Garðabær

Hlutverk foreldra

Hlutverk foreldra ungra barna í málörvun þeirra felst í góðri fyrirmynd, samræðum og lestri. Börn sem hafa greiðan aðgang að fólki sem ræðir við þau, les fyrir þau og kennir þeim ný orð og hugtök eiga öllu jöfnu auðveldara með að ná tökum á lestri. Orðaforða læra börn ekki síst hjá foreldrum sínum og samræður og lestrastundir með fjölskyldunni leggja grunn að bernskulæsi. Gefið hefur verið út rafrænt fræðsluefni fyrir foreldra um málörvun. Einnig hefur verið gerð áætlun um reglulega fræðslu og hvatningu frá leikskóla til foreldra. Stefnt er að því að foreldrar leikskólabarna fái reglulega fræðslu- og ráðgjöf um málörvun og bernskulæsi og mikilvægi þess að vera börnum góð málfyrirmynd.

Samverustundir fyrir 1-2 ára börn